Umumiy maʻlumotlar

   Turkiyaning nufuzli Koç universiteti bakalavr dasturida oʻqimoqchi va oʻqishini koʻchirib oʻtkazmoqchi boʻlgan xorijiy talabalarga Koç University Scholarships for International Students dasturi orqali talabalarning oʻqish pulini qisman va toʻliq qoplovchi grantlarni taqdim etadi.

   Grant uchun alohida ariza yoki hujjat taqdim etish soʻralmaydi. Grant Koç universiteti bakalavr bosqichida oʻqish uchun hujjat topshirgan va oʻqishini koʻchirib oʻtkazmoqchi boʻlgan barcha xorijiy talabalar orasidan yuqori akademik salohiyat va kuchli potensialga ega iqtidorli nomzodlarning qisman (50%) yoki toʻliq (100%) oʻqish pulini qoplab beradi. Universitetda ta'lim ingliz tilida olib borilganligi sababli nomzodlardan SAT yoki ACT test ballari soʻraladi. Lekin IELTS va TOEFL sertifikatlari qabul qilinmaydi.

Maqbullik shartlari

Grant dasturi uchun quyidagi talablar mavjud:

• Nomzod universitet qabul talablariga javob berishi kerak;
• Nomzod Koç universiteti bakalavr dasturlariga toʻliq ariza va hujjatlarni taqdim etgan boʻlishi kerak;
• Nomzod taqdim etgan arizasi orqali kuchli salohiyat va yuqori potensialga ega ekanligini koʻrsatib bera olishi lozim.

   Nomzodlar Koç universitetida bakalavr dasturiga hujjat topshirish uchun quyidagi asosiy talablardan biriga javob berishi kerak:

• SAT yoki ACT test ballariga ega boʻlishi kerak;
• Xalqaro darajadagi taʼlim diplomiga ega boʻlishi kerak (IB, GCSE, French Baccalaureate, ABITUR).

Muhim! Koç universiteti IELTS va TOEFL test ballarini qabul qilmaydi.

Foydali tomonlari

• Grant bakalavr bosqichi talabasining akademik yutuqlari va salohiyatiga qarab qisman (25%, 50%, 75%) yoki toʻliq (100%) oʻqish pulini qoplaydi.

Eslatma: Tibbiyot sohasidagi dasturlar uchun oʻqish pulini qoplovchi grant taqdim etilmaydi.

Hujjat topshirish

Dasturga ariza topshirish jarayoni quyidagicha:

1. Nomzod avval oʻzi uchun kerakli bakalavr dasturlarini ushbu havola orqali tanlab olishi kerak.
2. Dasturlar tanlangandan soʻng, onlayn ariza topshirish tizimiga oʻtish mumkin.

Kerakli hujjatlar:

• SAT yoki ACT test ballari;
• Xalqaro darajadagi taʼlim diplomi;
• Maktab yoki kollej/litsey diplomi (ingliz yoki turk tilidagi tarjimasi bilan);
• Maktab litsey/kollej baholari;
• 1-2 betli motivatsion xat.
• Tavsiyanoma (1ta).

Ariza berish uchun toʻlov mavjud. 

Оdatiy ariza tорshirish dedlayni:

Barcha yoʻnalishlar uchun: 2025-yil 1-yanvar-2025-yil 2-iyul;

Tibbiyot sohasi uchun: 2025-yil 1-mart-2025-yil 31-may.

Hujjat topshirish jarayoni bilan batafsil ushbu havola orqali tanishib chiqish mumkin.