Умумий маълумотлар

   Туркиянинг нуфузли Koç университети бакалавр дастурида ўқимоқчи ва ўқишини кўчириб ўтказмоқчи бўлган хорижий талабаларга Koç University Scholarships for International Students дастури орқали талабаларнинг ўқиш пулини қисман ва тўлиқ қопловчи грантларни тақдим этади.

   Грант учун алоҳида ариза ёки ҳужжат тақдим этиш сўралмайди. Грант Коç университети бакалавр босқичида ўқиш учун ҳужжат топширган ва ўқишини кўчириб ўтказмоқчи бўлган барча хорижий талабалар орасидан юқори академик салоҳият ва кучли потенциалга эга иқтидорли номзодларнинг қисман (50%) ёки тўлиқ (100%) ўқиш пулини қоплаб беради. Университетда таълим инглиз тилида олиб борилганлиги сабабли номзодлардан SAT ёки ACT тест баллари сўралади. Лекин IELTS ва TOEFL сертификатлари қабул қилинмайди.

Мақбуллик шартлари

Грант дастури учун қуйидаги талаблар мавжуд:

• Номзод университет қабул талабларига жавоб бериши керак;
• Номзод Коç университети бакалавр дастурларига тўлиқ ариза ва ҳужжатларни тақдим этган бўлиши керак;
• Номзод тақдим этган аризаси орқали кучли салоҳият ва юқори потенциалга эга эканлигини кўрсатиб бера олиши лозим.

Номзодлар Коç университетида бакалавр дастурига ҳужжат топшириш учун қуйидаги асосий талаблардан бирига жавоб бериши керак:

• SAT ёки ACT тест балларига эга бўлиши керак;
• Халқаро даражадаги таълим дипломига эга бўлиши керак (IB, GCSE, French Baccalaureate, ABITUR).

Муҳим! Коç университети IELTS ва TOEFL тест балларини қабул қилмайди.

Фойдали томонлари

• Грант бакалавр босқичи талабасининг академик ютуқлари ва салоҳиятига қараб қисман (25%, 50%, 75%) ёки тўлиқ (100%) ўқиш пулини қоплайди.

Эслатма: Тиббиёт соҳасидаги дастурлар учун ўқиш пулини қопловчи грант тақдим этилмайди.

Ҳужжат топшириш

Дастурга ариза топшириш жараёни қуйидагича:

1. Номзод аввал ўзи учун керакли бакалавр дастурларини ушбу ҳавола орқали танлаб олиши керак.
2. Дастурлар танлангандан сўнг, онлайн ариза топшириш тизимига ўтиш мумкин.

Керакли ҳужжатлар:

• САТ ёки ACT тест баллари;
• Халқаро даражадаги таълим дипломи;
• Мактаб ёки коллеж/лицей дипломи (инглиз ёки турк тилидаги таржимаси билан);
• Мактаб лицей/коллеж баҳолари;
• 1-2 бетли мотиватсион хат.
• Тавсиянома (1та).

Ариза бериш учун тўлов мавжуд.

Одатий ариза торшириш дедлайни:

Барча йўналишлар учун: 2025 йил 1 январь-2025 йил 2 июль;

Тиббиёт соҳаси учун: 2025 йил 1 март-2025 йил 31 май.

Ҳужжат топшириш жараёни билан батафсил ушбу ҳавола орқали танишиб чиқиш мумкин.