Вазирлар Маҳкамасининг 2022 йил 21 февралдаги 80-сонли қарорига кўра, нодавлат олий таълим муассасалари фақат лицензияда кўрсатилган манзилда таълим бериш ҳуқуқига эга.

Лицензияда манзилнинг аниқ кўрсатилиши нимани англатади?

Ҳар бир нодавлат олий таълим ташкилоти ўз лицензиясида фаолият юритадиган аниқ манзилни кўрсатиши шарт. Бу талаб қуйидаги сабаблар билан боғлиқ:

• Ўқув бинолари ва ҳудудлар белгиланган стандартларга мос келиши керак
• Лицензия беришдан аввал, расмий текширувлар ўтказилади
• Филиаллар қонуний фаолият юритиши учун лицензияда алоҳида манзил кўрсатилган бўлиши керак
• Агар университет қонуний филиал очган бўлса, унинг лицензиясида филиал манзили ҳам аниқ ёзиб қўйилган бўлиши керак.

Бошқа вилоятларда қабул офисларининг мавжудлиги нимани англатади?

• Баъзи нодавлат университетлар фуқаролар учун қулайлик яратиш мақсадида бошқа вилоятларда қабул офислари очиши мумкин. Бироқ, бу ўша вилоятда таълим бериш ҳуқуқига эга эканлигини англатмайди.
• Қабул офислари фақат ҳужжат топшириш ва маълумот бериш учун хизмат қилади
• Ўқув жараёни фақат лицензияда кўрсатилган манзилда амалга оширилади.

Агар сизга қайсидир университет бошқа вилоятда филиал борлигини айтса, лицензияда фаолият манзили рўйхатини текшириб кўриш тавсия этилади.

Хулоса

Хусусий олийгоҳларнинг филиаллари қонуний бўлиши учун лицензияда манзиллари аниқ кўрсатилиши керак. Барча талабаларга ўқиш жойи ва филиал ҳақидаги маълумотларни расмий манбалардан текшириб кўриш тавсия этилади.