2025 йил 25 июнь — олий таълим муассасаларига абитуриентларни рўйхатга олишнинг сўнгги куни бўлиб, 25 июнь куни соат 23:59 да рўйхатдан ўтиш тўлиқ якунланади.

Олдинги йиллардан маълумки, қабулнинг сўнгги кунларида рўйхатдан ўтувчи абитуриентлар сони кескин ортади ва абитуриентлар шошилиб рўйхатдан ўтишни бошлайди.

Ҳурматли абитуриентлар!

❗️Рўйхатдан ўтиш учун қабулнинг сўнгги кунларини кутманг! Имкон борича эртароқ рўйхатдан ўтинг! Тест синови учун тўловни ўз вақтида амалга оширинг!

✅ Рўйхатдан ўтишда фанлар мажмуаси (фанлар кетма-кетлигини инобатга олган ҳолда), таълим тили ва тест топшириш ҳудудини танлашда эътиборли бўлинг.

25 июнь куни соат 23:59 га қадар барча маълумотларингизни ўзгартиришингиз мумкин (тўлов қилинган бўлса ҳам). Лекин қабул якунлангандан сўнг маълумотларингизни ўзгартира олмайсиз.

Шу сабабли қабулнинг сўнгги кунларини кутмасдан эртароқ рўйхатдан ўтишни, танлов қилишда эътиборли бўлишни, маълумотларингизни ва тўлов амалга оширилганини шахсий кабинетингиздан текшириб олишни тавсия қиламиз.

Рўйхатдан ўтиш учун сайт манзили: my.uzbmb.uz