Умумий маълумотлар

Гарварддаги Инновация фанлари лабораторияси Сан-ДиЭгодаги Калифорния университети билан ҳамкорликда бизнесга қизиққанлар учун бепул онлайн курс — HarvardX: Technology Entrepreneurship тақдим этади.

Ушбу курсда иштирокчилар муваффақиятли янги бизнесни йўлга қўйиш учун технологиялардан фойдаланиш ва уни мижозлар эҳтиёжлари билан мослаштириш усулларини ўрганади.

Дастур қуйидаги мавзуларни қамраб олади:

• Технологик тадбиркорликка тизимли ёндашув;
• Мижозларнинг эҳтиёжларини истиқболли технологиялар билан мослаштириш орқали янги фойдаланиш усулларини яратиш;
• Бизнес ва операцион моделларни мослаштириш йўллари;
• Технологиянинг тайёрлик ва бозорга мослигини баҳолаш;
• Молиялаштиришни таъминлаш имкониятларини кўриб чиқиш.

Курс 2024 йилнинг 28 августидан 3 октябригача давом этади.

Дастур ҳақида батафсил ушбу ҳавола орқали маълумот олиш мумкин.

Мақбуллик шартлари

• Дастурга қизиққан барча қатнашиши мумкин;
• Инглиз тилини дастурда қатнашиш даражасида билиш лозим;
• Номзодлар бизнес ва бошқарув бўйича бошланғич билимга эга бўлишлари керак;
• Иштирокчилардан технология тадбиркорлиги, танқидий фикрлаш, тижоратлаштириш, инновациялар, тадқиқот ва ишланмалар бўйича кўникмага эга бўлиш талаб қилинади.

Фойдали томонлари

• Дастурда бепул қатнашиш мумкин;
• Дарслар Гарвард  университети етакчи профессорлари томонидан ўтилади;
• Бутун дунё бўйлаб таълим ва тегишли фанларнинг сифатини яхшилашга қаратилган тадқиқотларда иштирок этиш;
• Бизнес ва бошқарув соҳаси бўйича кенг билимга эга бўлиш имконияти.

Муҳим: Курсда қатнашганлар маълум миқдордаги тўлов (149$) эвазига университет томонидан бериладиган махсус сертификатга эга бўлишлари мумкин.

Ҳужжат топшириш

Дастурда қатнашишни истаганлар ушбу ҳавола орқали рўйхатдан ўтиб, ариза топширишлари мумкин.

Кимлар учун

• Мактаб ўқувчилари (9-синфгача), Мактаб ўқувчилари (юқори синфлар), Ўрта маълумотли (мактаб/коллеж битирувчиси), Бакалавр талабаси , Олий маълумотли (бакалавр), Магистр талабаси, Олий маълумотли (магистр), PhD талабаси , Фалсафа фанлари доктори

Дастур тили

• Инглиз тили

Ёш чегараси

• Чегараланмаган

Манба: https://t.me/grantgouz/7514