Umumiy maʻlumotlar

Garvarddagi Innovatsiya fanlari laboratoriyasi San-Diegodagi Kaliforniya universiteti bilan hamkorlikda biznesga qiziqqanlar uchun bepul onlayn kurs — HarvardX: Technology Entrepreneurship taqdim etadi.

Ushbu kursda ishtirokchilar muvaffaqiyatli yangi biznesni yoʻlga qoʻyish uchun texnologiyalardan foydalanish va uni mijozlar ehtiyojlari bilan moslashtirish usullarini oʻrganadi.

Dastur quyidagi mavzularni qamrab oladi:

• Texnologik tadbirkorlikka tizimli yondashuv;
• Mijozlarning ehtiyojlarini istiqbolli texnologiyalar bilan moslashtirish orqali yangi foydalanish usullarini yaratish;
• Biznes va operatsion modellarni moslashtirish yoʻllari;
• Texnologiyaning tayyorlik va bozorga mosligini baholash;
• Moliyalashtirishni taʼminlash imkoniyatlarini koʻrib chiqish.

Kurs 2024-yilning 28-avgustidan 3-oktyabrigacha davom etadi.

Dastur haqida batafsil ushbu havola orqali maʼlumot olish mumkin.

Maqbullik shartlari

• Dasturga qiziqqan barcha qatnashishi mumkin;
• Ingliz tilini dasturda qatnashish darajasida bilish lozim;
• Nomzodlar biznes va boshqaruv boʻyicha boshlangʻich bilimga ega boʻlishlari kerak;
• Ishtirokchilardan texnologiya tadbirkorligi, tanqidiy fikrlash, tijoratlashtirish, innovatsiyalar, tadqiqot va ishlanmalar boʻyicha koʻnikmaga ega boʻlish talab qilinadi.

Foydali tomonlari

• Dasturda bepul qatnashish mumkin;
• Darslar Garvard  universiteti yetakchi professorlari tomonidan o'tiladi;
• Butun dunyo boʻylab taʼlim va tegishli fanlarning sifatini yaxshilashga qaratilgan tadqiqotlarda ishtirok etish;
• Biznes va boshqaruv sohasi bo'yicha keng bilimga ega bo'lish imkoniyati.

Muhim: Kursda qatnashganlar ma'lum miqdordagi to'lov (149$) evaziga universitet tomonidan beriladigan maxsus sertifikatga ega bo'lishlari mumkin.

Hujjat topshirish

Dasturda qatnashishni istaganlar ushbu havola orqali roʻyxatdan oʻtib, ariza topshirishlari mumkin.

Kimlar uchun

• Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori

Dastur tili

• Ingliz tili

Yosh chegarasi

• Chegaralanmagan

Manba: https://t.me/grantgouz/7514