2025 йилда хориждан ўқишни Ўзбекистон давлат ОТМларига кўчириш тартиби

Хориждаги олий таълим муассасаларида таҳсил олаётган талабалар учун 2025 йилда ўқишни Ўзбекистоннинг давлат олий таълим муассасаларига кўчириш тартиби Президентнинг ПҚ-279-сон қарори асосида белгиланди. Ушбу қарор асосида ўқишни кўчиришда қатъий мезон ва талаблар жорий этилган.

Хориждаги қайси ОТМлардан ўқиш кўчирилиши мумкин?

Фақатгина хориждаги мос ёки турдош йўналишдаги ОТМлардан, жумладан, ТОП-1000 талик рўйхатига кирувчи университетлардан, Ўзбекистон давлат ОТМларига ўқиш кўчиришга рухсат этилади.

Номутаносиб ёки турдош бўлмаган йўналишларга ўқиш кўчириш қатъиян ман этилади.

Ўқишни кўчиришда қандай имтиҳонлар талаб этилади?

Касбий (ижодий) имтиҳонлар

Алоҳида иқтидор талаб этиладиган йўналишлар бўйича (масалан, санъат, спорт, журналистика) талабалар касбий ёки ижодий имтиҳон топширадилар.

Тест синовлари

Барча бошқа йўналишлар бўйича эса 3 та мажбурий фан асосида тест синовлари ўтказилади. Ушбу тартиб бакалавриатга қабул қилиш тизими билан бир хил шаклда ташкил этилади.

Ўтиш баллари ва эълон қилиш тартиби

Тест синовлари ва касбий имтиҳонлар бўйича ўтиш баллари:

Ҳар йили 15 июлга қадар тасдиқланади;

Билим ва малакаларни баҳолаш агентлигининг (олдинги ДТМ) расмий веб-сайтида эълон қилинади;

Баллар ОТМлар тасарруфидаги вазирлик ва идоралар томонидан белгиланади.

Ўтиш баллидан паст бўлганлар-чи?

Имтиҳонларда ўтиш балидан паст балл тўплаган талабалар табақалаштирилган тўлов-контракт асосида ўқишга қабул қилиниши мумкин. Бу шартнома асосида ўқишни давом эттириш имконини беради, бироқ имтиҳонсиз ёки узрли сабаблар билан кўчириш мумкин эмас.

Муҳим эслатма

Хориждан ўқишни кўчиришда ҳеч қандай узрли сабаб инобатга олинмайди. Барча талабалар имтиҳон асосида баҳоланади.

Хулоса

2025 йилда хориждан Ўзбекистон ОТМларига ўқишни кўчириш қатъий тартибга солинган бўлиб, имтиҳон топшириш ва фақат мос йўналишлар бўйича кўчириш мумкин. Президентнинг 279-сон қарори асосида жорий этилган бу тизим адолатли ва шаффоф танловни таъминлашга қаратилган.

Манбаа