Andijon davlat tibbiyot instituti

Andijon davlat tibbiyot instituti Andijon viloyatidagi eng yirik oliy ta'lim muassasalaridan biri bo‘lib, O‘zbekiston Respublikasi Sog‘liqni saqlash vazirligi tasarrufida shifokor kadrlarni yetishtirib chiqaradi. Institut bakalavriat va magistratura bosqichlarida mutaxassislar tayyorlaydi.

Tarixi

Institut 1955-yilda Andijon shahrida tashkil etilgan. O‘sha davrda Farg‘ona vodiysida tibbiyot yo‘nalishi bo‘yicha yagona oliy ta'lim muassasasi bo‘lgan. Institutning shakllanishida Yusuf Otabekovich Otabekov, Rahim Muhammedovich Nurmuhammedov va Satqul Usmanovich Djumabayev kabi fidoiy yurtdoshlarimizning xizmatlari katta bo‘lgan. Bugungi kunda institutning yutuqlari dunyo miqyosida alohida e'tirof etilmoqda.

Fakultetlar va yo‘nalishlar

Institutda besh fakultet faoliyat yuritadi: Davolash, Pediatriya, Stomatologiya va Farmatsiya fakultetlari hamda vrachlar malakasini oshirish va qayta tayyorlash fakulteti. Institutda 870 nafar xodim ishlaydi, shu jumladan 567 nafar professor-o‘qituvchi, ulardan 35 nafari fan doktori va professor, 132 nafari dotsent va fan nomzodi. Yo‘nalishlar va kontrakt ma'lumotlari sahifadagi jadvalda keltirilgan.

Nima uchun tanlash kerak

• 43 ta nufuzli oliy ta'lim muassasalari va tibbiyot markazlari bilan hamkorlik aloqalari o‘rnatilgan, shu jumladan Rossiya Federatsiyasining 22 ta oliy ta'lim muassasasi va tibbiy markazi bilan hamkorlik shartnomasi mavjud.
• “O‘quv simulyatsion markaz”da anesteziologiya va reanimatsiya, jarrohlik, akusherlik va ginekologiya, pediatriya kabi xonalar yangi robot simulyator va fantomlar bilan jihozlangan.
• Auditoriyalar, ma'ruza zallari va laboratoriyalar zamonaviy jihozlar bilan ta'minlangan; 536 ta elektron video va audio ma'ruza hamda 236 ta klinik fanlar bo‘yicha elektron farmakologik bloknot mavjud.
• Axborot texnologiyalari markazidagi “Media markaz” va ARM orqali talabalar uchun keng o‘quv-uslubiy resurslar yaratilgan; ARM qoshida mini tipografiya faoliyat yuritadi.