Хорижий тиллар ва умумтаълим фанларини билиш даражасини белгиловчи миллий ва халқаро тан олинган сертификатлар рўйхатига ўзгартириш ва қўшимчалар киритиш тўғрисида лойиҳа матни regulation.gov.uz муҳокамалар порталига жойланди. Қарор матнига қуйидагича қўшимча киритилмоқда:

умумий ўрта, ўрта махсус, касбий таълим ташкилотларида фаолият юритаётган педагоглардан Teaching Knowledge Test (ТКТ), Teaching English for Speakers of Other Languages (TESOL), Teaching English as a Foreign Language (TEFL), Teaching English as a Second Language (ТЕСЛ) сертификатлари Common European Framework of Reference (CEFR) тизимининг B2 ёки ундан юқори даражадаги сертификат билан биргаликда қабул қилинади ва уларга устама белгиланган тартибда тўланади. Бунда тақдим этилган малака кўникмаси ва тил билиш сертификатлари олинган вақт оралиғи бир йилдан ошмаслиги лозим;

Яъни бу қўшимчага кўра, сиз 2025 йил 20 сентябрда ТКТ сертификатларини жамлаган бўлсангиз, табиийки устама учун ёнига Б2 сертификат сўралади. Ушбу Б2 сертификат муддати билан ТКТ сертификатининг муддатлари оралиғи бир йилдан кўп бўлмаслиги керак. Яъни B2 сертификатингиз 2024 йил 20 сентябргача олинган бўлиши керак.

Агар бир йилдан ошган бўлса, дейлик сиз 2024 йил майда ёки августда Б2 ни олган бўлсангиз, бу ТКТ сертификатингиз учун яроқли бўлмай қолади.

Лекин ҳали бу лойиҳа босқичида. Сиз лойиҳанинг айнан шу қисмига ўз эътироз ёки таклифларингизни билдиришингиз мумкин.

👉 Лойиҳа матнига фикр билдириш

☝️ Ушбу қарор матни ҳали лойиҳа бўлиб, ҳали расман тасдиқланманган! Қарор расман имзолангунга қадар у ёки бу ўзгартиришлар киритилиши мумкин!