Ҳар йили тест имтиҳонлари яқинлашган сари абитуриентлар орасида «формада бориш шартми?» деган савол кўп учрайди. Келинг, расмий манбаларга таяниб бу саволга аниқлик киритамиз.

Формада келиш — тавсия, лекин мажбурий эмас

❌ Йўқ, формада келиш шарт эмас! Давлат тест маркази (ДТМ) томонидан белгиланган тартибда абитуриентларнинг махсус форма кийиб келиши мажбурий талаб эмас, балки тавсия этилган ҳолат ҳисобланади.

Нечун форма тавсия этилади?

Бунинг сабаби — тест имтиҳонлари жамоат жойларида, кўплаб инсонлар иштирокида ўтказилиши. Тартиб ва маданиятни сақлаш мақсадида абитуриентлардан саранжом ва жиддий кўринишда бўлиш сўралади.

Диний кийимлар — рухсат этиладими?

 Албатта! Аввалги йилларда ҳам аёл-қизларимиз рўмол ёки ҳижобда тест синовларида ҳеч қандай муаммосиз иштирок этишган. Бу борада ҳеч қандай чеклов мавжуд эмас.

Хулоса

Имтиҳонга форма кийиб бориш шарт эмас, лекин саранжом ва жамоат жойларига мос тарзда кийиниш кутилган маданият белгиси сифатида тавсия этилади. Диний кийимлар бўйича ҳам рухсат бор. Асосийси — тестга ўз вақтида, тўлиқ тайёргарлик билан етиб бориш!