Har yili test imtihonlari yaqinlashgan sari abituriyentlar orasida «formada borish shartmi?» degan savol ko‘p uchraydi. Keling, rasmiy manbalarga tayanib bu savolga aniqlik kiritamiz.

Formada kelish — tavsiya, lekin majburiy emas

❌ Yo‘q, formada kelish shart emas! Davlat test markazi (DTM) tomonidan belgilangan tartibda abituriyentlarning maxsus forma kiyib kelishi majburiy talab emas, balki tavsiya etilgan holat hisoblanadi.

Nechun forma tavsiya etiladi?

Buning sababi — test imtihonlari jamoat joylarida, ko‘plab insonlar ishtirokida o‘tkazilishi. Tartib va madaniyatni saqlash maqsadida abituriyentlardan saranjom va jiddiy ko‘rinishda bo‘lish so‘raladi.

Diniy kiyimlar — ruxsat etiladimi?

Albatta! Avvalgi yillarda ham ayol-qizlarimiz ro‘mol yoki hijobda test sinovlarida hech qanday muammosiz ishtirok etishgan. Bu borada hech qanday cheklov mavjud emas.

Xulosa

Imtihonga forma kiyib borish shart emas, lekin saranjom va jamoat joylariga mos tarzda kiyinish kutilgan madaniyat belgisi sifatida tavsiya etiladi. Diniy kiyimlar bo‘yicha ham ruxsat bor. Asosiysi — testga o‘z vaqtida, to‘liq tayyorgarlik bilan yetib borish!