Таълим ва илм-фан вазирлиги 2026/2027-ўқув йили учун олий таълим ташкилотларида контракт тўловларини амалга ошириш ҳамда талабалар сафига қабул қилишни расмийлаштириш муддатини 1-ноябргача узайтирганини маълум қилди.

Янги муддат бакалавриат ва магистратурага ўқishga тавсия этилган абитуриентларга тегишли. Шунингдек, ўқishi кўчирилган ёки кўчириб тикланган ҳамда ўқishга қайта тикланган талабалар ҳам шу муддатдан фойдаланади.

Қанча тўлаш керак?

Белгиланган муддатгача базавий тўлов-контракт бўйича йиллик қийматнинг камида 25 фоизи, табақалаштирилган тўлов-контракт бўйича эса камида 50 фоизи тўланиши лозим.

Педагог ходимларнинг фарзандлари учун 30 фоизлик имтиёз

2026/2027-ўқув йилидан бошлаб давлат олий таълим ташкилотларининг бакалавриат босқичи кундузги таълим шаклида таҳсил олаётган педагог ходимларнинг фарзандлари учун тўлов-контракт суммасининг 30 фоизини қоплаб бериш тартиби жорий этилган. Чегирма олиш учун kontrakt.edu.uz платформаси орқали ариза юбориш керак.

Эслатиб ўтамиз, сентябрь ойида ҳам контракт тўловлари муддати 15-октябргача узайтирилган эди. Муддат тугашини кутиб ўтирмасдан, ҳужжатларни олдиндан тайёрлаб қўйиш фойдали бўлади.

Манба: Daryo.uz