Муҳаммад ал-Хоразмий номидаги Тошкент ахборот технологиялари университетида “IT соҳаси ривожида хотин-қизларнинг ўрни” мавзусида форум ва кўргазма ташкил этилди.

   Тадбирда Оила ва хотин-қизлар қўмитаси, Рақамли технологиялар вазирлиги масъуллари, шунингдек, IT соҳаси вакиллари, профессор-ўқитувчилар ҳамда талаба-қизлар иштирок этди. Улар IT соҳасида хотин-қизларнинг ўрни, уларнинг илмий ва амалий лойиҳаларини ривожлантириш имкониятлари ҳақида фикр алмашишди.

Форум доирасида:

• Хотин-қизларнинг илм-фан ва тадбиркорликдаги ютуқлари ҳамда маҳсулотлар кўргазмаси намойиш этилди;
• Олима аёллар ва талаба-қизларнинг инновацион лойиҳалари тақдимоти ўтказилди;
• Профессор-ўқитувчиларнинг табрик сўзлари ва маърузалари тингланди.

   Шунингдек, хотин-қизларнинг илм-фанга бўлган қизиқишини ошириш, уларнинг инновацион фикрлашини қўллаб-қувватлаш ҳамда илмий салоҳиятини ривожлантириш мақсадида “АКТ бўйича энг яхши инновацион лойиҳа муаллифи” ва “Энг яхши ЭҲМ учун дастур ва маълумотлар базаси муаллифи” номинациялари бўйича танлов ўтказилди.

Танлов натижалари:

• 1-ўрин: СарсенбаЭва Бибинур Ахмет қизи, Иқтисодиёт ва менежмент факультети, 3-босқич талабаси.
• 2-ўрин: ЧоршанбиЭва Севинч Акрамовна, Компьютер инжиниринги факультети, 3-босқич талабаси.
• 3-ўрин: Маликова Нодира Тургуновна, Рақамли технологиялар конвергенцияси кафедраси доценти.

   Ушбу форум ва кўргазма IT соҳасида хотин-қизларнинг иштирокини кенгайтириш, уларнинг инновацион ғояларини илгари суриш ҳамда янги лойиҳалар учун платформа яратишга хизмат қилди.