Muhammad al-Xorazmiy nomidagi Toshkent axborot texnologiyalari universitetida “IT sohasi rivojida xotin-qizlarning o‘rni” mavzusida forum va ko‘rgazma tashkil etildi.

   Tadbirda Oila va xotin-qizlar qo‘mitasi, Raqamli texnologiyalar vazirligi mas’ullari, shuningdek, IT sohasi vakillari, professor-o‘qituvchilar hamda talaba-qizlar ishtirok etdi. Ular IT sohasida xotin-qizlarning o‘rni, ularning ilmiy va amaliy loyihalarini rivojlantirish imkoniyatlari haqida fikr almashishdi.

Forum doirasida:

• Xotin-qizlarning ilm-fan va tadbirkorlikdagi yutuqlari hamda mahsulotlar ko‘rgazmasi namoyish etildi;
• Olima ayollar va talaba-qizlarning innovatsion loyihalari taqdimoti o‘tkazildi;
• Professor-o‘qituvchilarning tabrik so‘zlari va ma’ruzalari tinglandi.

   Shuningdek, xotin-qizlarning ilm-fanga bo‘lgan qiziqishini oshirish, ularning innovatsion fikrlashini qo‘llab-quvvatlash hamda ilmiy salohiyatini rivojlantirish maqsadida “AKT bo‘yicha eng yaxshi innovatsion loyiha muallifi” va “Eng yaxshi EHM uchun dastur va ma’lumotlar bazasi muallifi” nominatsiyalari bo‘yicha tanlov o‘tkazildi.

Tanlov natijalari:

• 1-o‘rin: Sarsenbaeva Bibinur Axmet qizi, Iqtisodiyot va menejment fakulteti, 3-bosqich talabasi.
• 2-o‘rin: Chorshanbieva Sevinch Akramovna, Kompyuter injiniringi fakulteti, 3-bosqich talabasi.
• 3-o‘rin: Malikova Nodira Turgunovna, Raqamli texnologiyalar konvergensiyasi kafedrasi dotsenti.

   Ushbu forum va ko‘rgazma IT sohasida xotin-qizlarning ishtirokini kengaytirish, ularning innovatsion g‘oyalarini ilgari surish hamda yangi loyihalar uchun platforma yaratishga xizmat qildi.