2025-yil uchun stajyor-tadqiqotchilik, tayanch doktorantura va doktoranturaga hujjat qabul qilish muddatlari joriy yil 10-noyabrga qadar, kirish imtihonlarini tashkil etish esa 30-noyabrga qadar uzaytirildi.

   OTM va ilmiy tashkilotlar talabgorlarning mustaqil izlanuvchilikka hujjatlarini har yili 4 marta yuborish mumkin: sentyabrdan-oktyabrgacha, yanvardan-fevralgacha, apreldan-maygacha, iyuldan-avgustgacha boʻlgan davrlarda qabul qilishi mumkin boʻladi.

   Mustaqil izlanuvchilikka hujjat topshirishga chet tili sertifikati shart emas.

Kerakli hujjatlar:

• Ariza;
• Rozilik xati;
• Qisqacha biografik ma’lumot (obyektivka - namuna 3.5 shakl bo‘yicha o‘zbekcha shaklda);
• Mehnat daftarchasining belgilangan tartibda tasdiqlangan nusxasi (ishlayotgan talabgorlar uchun, ishlamasa shart emas);
• Oliy ta’lim muassasasi magistratura diplomi yoki klinik ordinaturani tugatganligi (tibbiyot fanlari uchun), oliy ma’lumot (mutaxassislik dasturlari bo‘yicha) to‘g‘risida diplom nusxasi;
• Nashr etilgan ilmiy ishlar ro‘yxati, shuningdek ularning nusxalari (kamida 1 ta maqola va 2 ta tezis);
• Ish joyidan tavsifnoma (Mustaqil izlanuvchilar uchun);
• Pasport nusxasi;
• O‘zbekiston Respublikasi Prezidenti Davlat stipendiyasi hujjati nusxasi (mavjud bo‘lsa).

   Barcha hujjatlar pdf shaklida tayyorlanib, Oliy ta’limdan keyingi ta’limni muvofiqlashtiruvchi Yagona elektron tizimi http://daraja.ilmiy.uz yoki my.gov.uz orqali ro‘yxatdan o‘tgan holda yuboriladi.

Manba: https://t.me/c/2474680634/222