Ўзбекистон Республикаси Вазирлар Маҳкамасининг 2022 йил 1 июндаги 295-сон қарори билан тасдиқланган “Болаларни давлат умумий ўрта таълим муассасаларига қабул қилиш ҳамда ўқувчиларни бир умумий ўрта таълим муассасасидан бошқасига ўтказиш бўйича давлат хизматлари кўрсатишнинг маъмурий регламенти”га мувофиқ, Қабул комиссияси қандай сабаблар ва ҳолатларга кўра, болаларни мактабга қабул қилишни рад этиши мумкинлиги келтириб ўтилган.

Қарорга кўра:

• –  тиббий маълумотномада мактабда ўқиш тавсия этилмаган бўлса;
• –  танлаган тилда бола бошланғич сўзлашув кўникмасига эга бўлмаса;
• –  берилган маълумотлар нотўғрилиги аниқланса.

Бошқа ҳолатларда болаларни мактабга қабул қилишни рад этишга йўл қўйилмайди. Шундан келиб чиқадики,  мактабгача тайёрлов курсларида ўқимаганлиги ёки боғчага бормагани учун болани мактабга қабул қилмаслик мумкин эмас. Агар юқоридаги санаб ўтилган камчиликлар сабабли қабул қилишга рад этилса. улар бартараф қилиниб, қайта ҳужжат топшириш мумкин.