Италиянинг бир газетаси бутунлай сунъий интеллект томонидан ишлаб чиқилган нашрни чоп этган дунёдаги биринчи газета бўлганини маълум қилди. Бу ҳақда The Guardian хабар қилди. 

• Консерватив-либерал кунлик газета Ил Фоглио томонидан бошланган ташаббус, сунъий интеллект технологиясининг “бизнинг иш услубимиз ва кунларимизга” қандай таъсир қилаётганини кўрсатишга қаратилган бир ойлик журналистик экспериментнинг бир қисмидир, – деди газетанинг муҳаррири Клаудио Чераса.

Тўрт саҳифалик Il Фоглио АИ газетага қўшиб чиқарилди ва сешанба кунидан бошлаб дўкон расталарида ҳамда онлайн тарзда тақдим этилди.

“Бу расталардаги дунёдаги биринчи сунъий интеллект ёрдамида тўлиқ яратилган кунлик газета бўлади,” – деди Чераса. “Сунъий интеллект ҳамма нарса учун, матнлар, сарлавҳалар, иқтибослар, хулосалар ва баъзида истеҳзоларни тайёрлаш учун ҳам. фойдаланилди. Бу газетада  журналистларнинг роли “сунъий интеллектга саволлар бериш ва жавобларни ўқиш” билан чекланишини қўшимча қилди.

Эксперимент дунё бўйлаб янгилик ташкилотлари сунъий интеллектдан қандай фойдаланиш кераклигини аниқлашга уринаётган бир вақтда ўтказилмоқда. Жорий ой бошида Guardian хабар беришича, BBC News сунъий интеллектдан оммага кўпроқ шахсийлаштирилган контент тақдим этишда фойдаланмоқчи.

Il F АИ нашрининг биринчи саҳифасида АҚШ президенти Доналд Трампга оид мақола жой олган. Шунингдек, ушбу саҳифада Россия президенти Владимир Путин томонидан “20 йиллик бузилган ваъдалар, йиртилган келишувлар ва хиёнат қилинган сўзлар” ҳақида сўз юритилган мақола ҳам мавжуд.

Мақолалар тузилиш жиҳатдан содда ва аниқ бўлиб, грамматик хатоларсиз ёзилган. Аммо шуниси қизиқки,  янгилик саҳифаларида чоп этилган мақолаларнинг ҳеч бирида инсонлардан бевосита иқтибос келтирмаган.

Сўнгги саҳифада ўқувчилардан муҳаррирга сунъий интеллект томонидан яратилган хатлар чоп этилган бўлиб, улардан бирида келажакда сунъий интеллект инсонларнинг ўрнини эгаллайдими деган савол берилган. Жавобда эса: “Сунъий интеллект – ажойиб инновация, лекин у ҳали шакарни нотўғри солмасдан кофе буюртма беришни билмайди,” дейилган.

Cherasa Ил Фоглио АИ “ҳақиқий газета”ни акс эттиради ва у “янгиликлар, баҳс ва провокациялар” маҳсули эканлигини айтди. Бироқ у шунингдек, сунъий интеллект ёрдамида кунлик газета ишлаб чиқаришда технологиянинг қандай ишлашини “амалиётда” кўрсатиш учун синов майдончаси бўлиб хизмат қилишини  таъкидлади.

“Бу шунчаки яна бир Ил Фоглио – ақл билан яратилган, уни сунъий деб атаманг,” – деди Чераса.