2020 йил 23 сентябрдаги “Таълим тўғрисида”ги қонуннинг 12-моддасига асосан, докторантура (таянч докторантура) олий таълимдан кейинги таълим ҳисобланади.

Мазкур соҳага доир Вазирлар Маҳкамасининг 2017 йил 22 майдаги 304-сон қарорига 2-илова “Олий таълимдан кейинги таълим тўғрисида”ги низом олий таълимдан кейинги таълим институтида таҳсил олишни ташкил этиш ва ўқиш тартибини белгилайди.

Ўзбекистон Республикаси Конституциясининг 42-моддасига асосан, ҳар ким муносиб меҳнат қилиш, касб ва фаолият турини эркин танлаш, ҳуқуқига эга.

Меҳнат кодексининг 5-моддаsiga асосан, меҳнат эркинлиги ҳар кимнинг меҳнат қилишга бўлган ўз қобилиятларини тасарруф этиш, уларни қонун билан тақиқланмаган ҳар қандай шаклда амалга ошириш, машғулот турини, касбни ва мутахассисликни, иш жойини ҳамда меҳнат шароитларини эркин танлаш ҳуқуқини англатади.

Юқоридагиларда келиб чиқилса ҳар ким, шу жумладан, илмий ташкилот ёки таълим муассасаларига таянч докторантура ёки докторантурага белгиланган тартибда қабул қилинган шахс яъни докторант ҳам меҳнат қилиш ҳуқуқига эгадир.

Меҳнат кодексининг 186-модда siga асосан, меҳнат шартномаси тарафларининг келишувига кўра ходимга ишга қабул қилиш чоғида ва кейинчалик тўлиқсиз иш вақти (тўлиқсиз иш куни (смена) ва (ёки) тўлиқсиз иш ҳафтаси, шу жумладан иш кунини қисмларга бўлган ҳолда) белгиланиши мумкин. Тўлиқсиз иш вақти ҳам муддати чекланмаган ҳолда, ҳам меҳнат шартномаси тарафлари келишган ҳар қандай муддатга белгиланиши мумкин.

Бундан келиб чиқиб хулоса қилиш мумкинки, докторант ўқишдан бўш вақтида ҳеч қандай чекловсиз тўлиқсиз иш вақтида (0,5 ставка) ишлаши мумкин. Бирор бир норматив-ҳуқуқий ҳужжатда ёки нормада “докторант 0,5 ставкада ишламасин” деган талаб йўқ