Мактабгача ва мактаб таълими вазирининг 2023 йил 20 декабрдаги 565-сонли буйруғига мувофиқ тасдиқланган умумий ўрта таълим муассасалари ходимларининг лавозим мажбуриятлари бўйича ўқитувчининг навбатчилик вазифаси мавжуд эмас. Шу сабабли, иш берувчининг ўқитувчиларни навбатчиликка мажбурлаш ҳуқуқий асосга эга эмас.

Меҳнат кодекси 115-моддасига кўра, иш берувчи ходимдан меҳнат шартномасида кўрсатилмаган ишни бажаришни талаб қилишга ҳақли эмас. Шунингдек, иш берувчи қонунга зид бўлган ёки ходимнинг ҳуқуқларини бузадиган амалларни ходимдан бажаришни талаб қилиши мумкин эмас.

Бу каби ҳолатларда Маъмурий жавобгарлик тўғрисидаги кодекснинг 49-моддасига кўра, мансабдор шахсга меҳнат қонунларини бузганлик учун жарима солиниши мумкин. Шу сабаб мактабда ўқитувчиларни навбатчиликка жалб қилиш ноқонуний ҳисобланади.