Axmadjanov.uz Telegram kanalida хабар берилишича, Вазирлар Маҳкамаси қарори лойиҳаси ишлаб чиқилган. Унга кўра, Ҳуқуқни муҳофаза қилиш академияси ва Давлат сиёсати ва бошқаруви академиясида коррупцияга қарши курашиш ва комплаенс-назорат бўйича касбга қайта тайёрлаш курслари очилиши режалаштирилган.

Кимлар ўқий олади

Курсга юриспруденция, иқтисодиёт, молия, солиқ, аудит, тизимли таҳлил, менежмент ёки ахборот технологиялари бўйича олий маълумотли мутахассислар қабул қилиниши мумкин. Асосий йўналиш давлат ташкилотларидаги комплаенс-назорат ходимлари ва бу тузилмаларга ишга олинаётган номзодлар учун мўлжалланган.

Дастур қандай ташкил этилади

Курс кamida 288 соат давом этади ва масофавий шаклда икки босқичда ўтказилади:

• 144 соат — Давлат сиёсати ва бошқаруви академиясида;
• 144 соат — Ҳуқуқни муҳофаза қилиш академиясида.

Курсни тугатганларга икки академиянинг қўшма дипломи берилади. Янги тайинланган ходимлар эса Ҳуқуқни муҳофаза қилиш академиясида 4 ой ўқийди: 3 ойи масофавий, 1 ойи an’anaviy шаклда.

Кимлар учун фойдали?

Диплом давлат органлари ва давлат улуши 50 фоиз ва ундан кўп бўлган жамиятларнинг комплаенс-назорат бўлинмаларида ишлаш имконини бериши мумкин. Бирок муаллиф таъкидлашича, диплом автоматик равишда ишга қабул қилишни англатмайди.

Ўқиш тўлов-шартнома асосида амалга оширилади. Ишловчи ходимларнинг лавозими ва ўртача ойлик маоши сақланиб қолади.

Ҳозircha бу фақат лойиҳа. Якуний тартиб ҳужжат тасдиқлангандан сўнг маълум бўлади.

Манба: Axmadjanov.uz (Telegram kanali)