Агар сиз инглиз, француз, немис ёки бошқа бирор чет тилини ўрганиш, халқаро алоқалар ёки дипломатия соҳасида юқори даражада мутахассис бўлишни орзу қилаётган бўлсангиз, демак, сизни жаҳон тиллари университети кутмоқда!   Университет тарихига назар ташлайдиган бўлсак. Бу олий таълим даргоҳи дастлаб 1949 йилда Тошкент чет тиллари педагогика институти номи билан фаолиятини бошлаган. Шундан сўнг 1992 йил 12 май Тошкент чет тиллари педагогика институти ҳамда Республика Рус тили ва адабиёти институти бирлашиб, Ўзбекистон давлат жаҳон тиллари университети мақомига эга бўлди. Университет ўзининг 74 йиллик тарихига эга.

  Университетнинг “Яхши айтилган гап барча тилларда ақлли эшитилади...!” деган гўзал шиори мавжуд.

    Бугунги кунда университетда 24 мингга яқин талаба 20 га яқин хорижий тилни жаҳон таълим стандартлари асосида ўрганмоқда. Ўзбекистон давлат жаҳон тиллари университетида асосий эътибор филология ҳамда жаҳон тилларини ўқитишга қаратилган бўлиб, университетда 29 та кафедра ва 9 та факультет мавжуд. Факультетларнинг барчаси филология соҳаси бўйича мутахассислар тайёрлаб келади.   Ҳозирги кунда университетда қуйидаги факультетлар фаолият олиб боради: 

• Таржимонлик факультети;
• Инглиз филологияси факультети;
• Инглиз тили биринчи факультети;
• Инглиз тили иккинчи факультети;
• Инглиз тили учинчи факультети;
• Роман-герман филологияси факультети;
• Рус филологияси факультети;
• Шарқ филологияси факультети;
• Медиа ва коммуникация факультет. 

 Ҳар йили университетда 15 та таълим йўналишида бакалавр, 13 та таълим йўналишида магистрлик даражасига эга мутахассислар тайёрланади.Университетдаги таълим йўналишлари билан танишинг: 

 Бакалавр йўналишлари:

• хорижий тил ва адабиёти (инглиз тили);
• филология ва тилларни ўқитиш (инглиз тили);
• филология ва тилларни ўқитиш (немис тили);
• филология ва тилларни ўқитиш (француз тили);
• филология ва тилларни ўқитиш (испан тили);
• филология ва тилларни ўқитиш (хитой тили);
• филология ва тилларни ўқитиш (корейс тили);
• филология ва тилларни ўқитиш (япон тили);
• филология ва тилларни ўқитиш (рус тили);
• она тили ва адабиёти (рус тили ва адабиёти ўзга тилли гуруҳларда);
• таржима назарияси ва амалиёти;
• журналистика (халқаро журналистика);
• Рус тили ва инглиз тилини ўқитиш. 

 Магистратура йўналишлари: 

• хорижий тил ва адабиёти (инглиз тили);
• адабиётшунослик (инглиз адабиёти);
• лингвистика (инглиз, немис, француз, испан, хитой, рус тиллари);
• қиёсий тилшунослик, лингвистик таржимашунослик (тиллар бўйича);
• халқаро журналистика (фаолият турлари бўйича);
• журналистика (спорт журналистикаси). 

 Докторантура – oлий ўқув юртидан кейинги таълим институтида катта илмий ходим-изланувчи ва мустақил изланувчилар докторлик диссертацияларини тайёрлаш ва ҳимоя қилиш мақсадида қуйидаги ихтисослик йўналишлари бўйича илмий изланишлар олиб борадилар:

• Тил назарияси. Амалий ва компьютер лингвистикаси;
• Европа, Америка ва Австралия халқлари тили ва адабиёти;
• Қиёсий адабиётшунослик, чоғиштирма тилшунослик ва таржимашунослик;
• Адабиёт назарияси;
• Журналистика;
• Педагогика назарияси ва тарихи. Таълимда менежмент;
• Таълим ва тарбия назарияси ва методикаси (соҳалар бўйича);
• Халқаро муносабатлар ва ташқи сиёсат тарихи;
• Ижтимоий-сиёсий институтлар ва жараёнлар тарихи.

    Мазкур француз талабасига айлансангиз сизда чет элда ўқиб малака ошириш имконияти кенгроқ бўлади. Чунки, Ўзбекистон давлат жаҳон тиллари университети бугунги кунда халқаро алоқалар бўйича ҳам ҳамкорликни кенг йўлга қўйган. Университет жаҳоннинг 61 та ОТМлари билан икки томонлама ҳамкорлик шартномалари асосида фаолият олиб бормоқда.

  Университет ҳақида сизда яна саволлар туғилган бўлса қуйидаги рақамларга ва манзилга мурожаат қилишингиз мумкин:

• Телефон: +998 71 230-12-91

• Электрон почта: uzdjtu@uzswlu.uz            
• Расмий сайт: www.uzswlu.uz
• Telegramm: @УзСWЛУ
• Манзил: Тошкент шаҳри, Учтепа тумани, Кичик халқа йўли, 21А - уй, почта индекси: 100138

     Жаҳон тиллари университети — бу нафақат чет тилларини ўрганиш, балки халқаро миқёсда танилиб, ривожланиш имкониятларини кашф этиш учун ажойиб жой. Агар сиз ҳам глобал таълимни орзу қилаётган бўлсангиз, Жаҳон тиллари университети — сиз учун идеал танлов! Ўқинг, ўрганинг, ривожланинг ва глобал майдонда ўз ўрнингизни топинг!

 Маъмура Тўраева тайёрлади.