Бугунги кунда юртимизда 7104 та боғча, 10750 та мактаб, 91 та лицей, 140 та коллеж, 60 та техникум, 54 та институт, 209 та университет ва 15 та академия  мавжуд. Бу файзли масканларда фаолият олиб бораётган юзлаб файзли олимлар, минглаб фидойи устозлар ва ўн минглаб иқтидорли талабалар мавжуд. Уларнинг таълим йўналишида қилаётган ишлари таҳсинга лойиқ.

   Афсуски, уларнинг тажрибаларини, методикаларини ва илмий ишларини улашиб борадиган аниқ бир платформа мавжуд эмас. Бу эзгу ишга қўл урган ҳолатда “Таълим телеканали” лойиҳаси ўз фаолиятини бошлади.

   Лойиҳа 2024 йил 20 октябрдан иш бошлаган. Ҳозирги кунда 16 та жамоа аъзоларидан иборат жамоамиз ва профессионал таркибдаги техникаларимиз мавжуд.        

“Таълим телеканали” лойиҳасининг мақсадлари:

• Жамиятда илм-у маърифат тарғиботини кучайтиришга ҳисса қўшиш;
• Ёшлар онгига илмнинг энг қудратли куч эканини сингдириш;
• Турли соҳаларнинг етук мутахассислари ва олимлар билан кўрсатувлар тайёрлаш;
• Аниқ ва ижтимоий фанлар бўйича  керакли маълумотлар жамланган роликлар тайёрлаш;
• Ватан ва миллат тарихи ҳамда аждодлардан мерос илмий-маърифий хазиналар билан юртдошларимизни  танитиб бориш;
• Академик сабоқлар учун  ўз соҳасида катта муваффақиятга эришган шахслар билан суҳбатлар олиб бориш;
• Мактаб, лицей ва олий ўқув даргоҳлари фаолияти ҳақида кичик фильмлар тайёрлаш;
• Таълим, илм-маърифат ва жамиятнинг турли долзарб муаммолари мавзусида бадиий ва ҳужжатли роликлар тайёрлашдан иборат.

Ҳозирда лойиҳада 5 та бўлим мавжуд:

1. Медиа
2. Дизайн
3. Маркетинг
4. Таҳририят
5. Сотув

Жамоа аъзолари қуйидаги касбларда фаолият юритишади:

• СММ менежер;
• Бошловчи;
• Мобилограф;
• Оператор;
• Motion designer;
• Дизайнер;
• Муҳаррир.

   Бугунги кунда лойиҳа доирасида 20 дан ортиқ проектлар ташкиллаштирилмоқда. Устозларнинг маслаҳатлари ва дуоларини олган ҳолда лойиҳа аъзолари ўз мақсадлари сари интилишдан чарчамайди.

   Таълимга доир энг сўнгги ва қизиқарли маълумотларни You tube каналдан олишингиз мумкин.

Севинч Толибжонова тайёрлади