Ўзбекистон Республикаси Олий таълим, фан ва инновациялар вазирлигининг 2024 йил 4 апрелдаги 4-қ/қ-сон ва Мактабгача ва мактаб таълими вазирлигининг 2024 йил 2 апрелдаги 3-мҳ-сон қарори (рўйхат рақами 3515)га иловада Хорижий тиллар ва умумтаълим фанларини билиш даражасини белгиловчи миллий ва халқаро тан олинган сертификатлар Рўйхати тасдиқланган.

Унинг 3-бобида Умумий ўрта, ўрта махсус, профессионал ва олий таълим тизимида фаолият юритаётган педагог ходимларга устама белгилашда қўлланиладиган хорижий тилларни билиш даражасини белгиловчи миллий ва халқаро тан олинган сертификатлар Рўйхати белгиланган. 

Унда:

➖ Test of English as a Foreign Language — TOEFL иБТ;

➖ Test of English as a Foreign Language — TOEFL iTP сертификати мавжуд. 

Унга берилган изоҳга мувофиқ барча Teaching English for Speakers of Other Languages (ТЕСОЛ), Teaching English as a Foreign Language (ТЕФЛ), Teaching English as a Second Language (ТЕСЛ) сертификатлари ўқитувчи (тренер) билан камида 100 контакт соат шуғулланиши ва камида 40 соатлик ўқитувчи-педагогик амалиётини қамраб олиши, бунда амалиёт қисми инструктор томонидан кузатилиб баҳоланиши зарур.