AQSHda joylashgan Action For Nature (AFN) notijorat tashkiloti har yili International Young Eco-Hero Awards tanlovini o'tkazib keladi. Bu tanlov 8-16 yoshli bolalarning tabiatni himoya qilish hamda asrashga qaratilgan muvaffaqiyatli individual tashabbuslarini va loyihalarini e'tirof etish va mukofotlash maqsadida tashkil etilgan.

   Hozirda ushbu tanlovning 2025-yilgi mavsumiga arizalar qabul qilinmoqda. Arizalar ingliz tilida qabul qilinadi.

G'oliblar quyidagicha mukofotlanadi:

• 1000 dollargacha pul mukofoti;
• Maxsus sertifikat;
• G'oliblar va ularning loyihalari ommaviy axborot vositalarida;
• Eco-Hero Alumni Facebook guruhiga qo'shilish imkoniyati taqdim etiladi.

Tanlovda qatnashish uchun qo'yilgan talab va shartlar quyidagicha:

• Tabiiy olam himoyasi, atrof-muhit salomatligi, tadqiqoti yoki targ'ibotiga oid loyihalar bilan qatnashish mumkin;
• Loyiha harakat va ishtirokchilarning o'z tashabbusiga asoslangan bo'lishi kerak, o'qituvchi yoki boshqa mas'ul shaxs tomonidan vaziga sifatida tayinlangan loyihalar qabul qilinmaydi;
• Loyiha davomiyligi kamida 6 oy bo'lishi hamda yakunlanish arafasida yoki oxirgi bir yil ichida yakunlangan bo'lishi kerak;
• Agar loyiha ixtirodan iborat bo'lsa, ariza berishdan oldin ayrim sinovlar o'tkazilishi kerak;
• Ariza beruvchilar 2025-yil 28-fevral holatiga ko'ra, 8-16 yosh oralig'ida bo'lishi kerak;
• Uy hayvonlari yoki tutqunlikda ushlab turilgan hayvonlarga oid loyihalar, insho yoki hisobotlar qabul qilinmaydi;
• Tanlovning avvalgi g'oliblari, AFN kengashi a'zolari, faol o'qish paneli a'zolari yoki hakamlar hamda ularning yaqin qarindoshlari qatnasha olmaydi;
• Arizalar ingliz tilida topshirilishi lozim.

Arizalar bir qancha mezonlar asosida baholanadi, jumladan, lekin shu bilan cheklanmagan holda:

• originallik;
• qiyinlik darajasi;
• tashkiliy masalalar;
• loyihaga bag'ishlangan vaqt uzunligi;
• boshqalarga o'tkazgan ta'siri yoki bergan ta'limi;
• tashqi manbalardan (masalan, kutubxona, ekspertlar, media, hamjamiyat yetakchilari) foydalanilgani;
• maqsadlarga erishishdagi muvaffaqiyat darajasi;
• atrof-muhitga ta'siri.

Dasturga qabul jarayoni:

Arizalar 2025-yil 28-fevralgacha qabul qilinadi. Arizalar onlayn tarzda BU YERDA qabul qilinadi.

   Nomzodlar ariza shaklida so'ralgan shaxsiy ma'lumotlarni kiritish bilan bir qatorda loyihaga oid savollarga ham batafsil javob berishi kerak.

MUHIM: Ariza topshirishga kirishishdan oldin tanlov qoidalari bilan batafsil tanishib chiqing.

Savollar yuzasida quyidagi email manziliga murojaat qilishingiz mumkin: mail@actionfornature.org.