АҚШда дафтарлар савдоси кескин ошди: Университетлар талабаларнинг сунъий интеллектдан фойдаланиши туфайли қоғозли имтиҳонларга қайтмоқда АҚШдаги кўплаб университетларда анъанавий имтиҳон дафтарларининг (кўк муқовали “блуэ books”) савдоси кескин ошди. Бу ҳолат талабалар сунъий интеллектдан кенг фойдаланаётганидан сўнг юзага келган, деб ёзади The Wall Street Journal нашри. Маълумотларга кўра, охирги икки ўқув йили давомида имтиҳон дафтарларининг савдоси Техас университетида 30% дан ортиқ, Флорида университетида деярли 50%, Калифорния университетининг Беркли кампусида эса 80% га ошган. Бунга сабаб, Сунъий интеллект ёрдамида талабаларнинг алдовга мурожаат қилиши шу даражада кенг тус олдики, ёшлар натижада саводсиз бўлиб қолмоқда.ўқитувчилар уларнинг билимини баҳолашда яна қўлда ёзиладиган имтиҳонларга қайтишга мажбур бўлмоқда.

 Қизиғи шундаки, ҳар йили ёзда талабалар ва ўқувчилар таътилга чиққанида — ЧатГПТънинг ишлатилиш даражаси анча пасаяди. Гарчи қўлда ёзиладиган имтиҳонлар сунъий интеллект ёрдамида алдашнинг олдини олишда самарали бўлса-да, кўплаб ўқитувчилар бу усулга нисбатан иккиланмоқда. Уларнинг фикрича, талабалар АИ воситаларидан унумли фойдаланишни ўрганишлари керак, чунки бу технологиялар уларнинг келажакдаги касбий ҳаётининг бир қисмига айланади. Бироқ ҳозирча, анъанавий “кўк дафтарлар” талабаларнинг ҳақиқий билимини текширишнинг кам сонли ишончли усулларидан бири бўлиб қолмоқда.

Манба