Statistika agentligining hisob-kitoblariga ko‘ra joriy yilning yanvar-sentyabr oylarida o'zbekistonliklar o‘qish maqsadida ko‘proq Tojikiston Respublikasiga borayotgani ma’lum qilindi.

Qayd etilgan ma’lumotlarga qaraganda, 30,4 ming nafar O‘zbekiston Respublikasi fuqarolari o‘qish maqsadida chet davlatlariga borgan. Mazkur ko‘rsatgich o‘tgan yilning mos davri bilan solishtirganda 3,2 % yoki 952 nafarga ortgan.

2024-yilning yanvar-sentyabr oylarida o‘qish uchun chet elga ketgan respublikamiz fuqarolari mamlakatlar bo‘yicha quyidagicha:

• Tojikiston — 11 409 nafar
• Rossiya — 7 301 nafar
• Qirg‘iz Respublikasi — 2 845 nafar
• Turkiya — 2 195 nafar
• Janubiy Koreya — 1 839 nafar
• Qozog‘iston — 1 372 nafar
• Buyuk Britaniya — 693 nafar
• Xitoy — 672 nafar
• AQSH — 486 nafar
• BAA — 295 nafar
• Boshqa davlatlar — 1 292 nafar.