Кузатувларга кўра, талабаларнинг 80%и fast food каби тез тайёрланувчи таомларни истеъмол қилади. Атиги 10% талаба соғлом овқатланиш тамойилларига риоя қилади ва бу турдаги маҳсулотлардан воз кечади.

   Шифокорлар фикрига кўра, тез тайёрланадиган маҳсулотлар алкоголь ва тамакидан ҳам зарарлироқ бўлиши мумкин. Уларнинг мунтазам истеъмоли ички касалликлар, ортиқча вазн ва бошқа соғлиқ муаммоларини келтириб чиқаради.

Энг зарарли маҳсулотлар

Қуйидаги маҳсулотлар соғлиқ учун энг зарарли деб ҳисобланади:

• Чипслар ва картошка фри – ёғда қовурилгани сабабли юрак-қон томир касалликларини чақириши мумкин.
• Консерва ва арзон колбасалар – таркибида кимёвий қўшимчалар ва ортиқча туз кўп.
• Кетчуп ва майонез – юқори калорияли ва зарарли консервантларга эга.
• Fast food ва ҳотдоглар – организм учун зарур озуқа моддаларига эга эмас.
• Попкорн – ёғ ва туз миқдори юқори бўлиб, ҳазм қилиш муаммоларини келтириб чиқариши мумкин.
• Ширинлик ва шоколадлар – ортиқча истеъмол қилинганда қандли диабет хавфини оширади.
• Маргарин – зарарли транс ёғларни ўз ичига олади.
• Оқ нон – ортиқча истеъмол қилинса, қанд миқдорини ошириши мумкин.

   Газли ва ширин ичимликлар – таркибида кўп миқдорда шакар ва сунъий ранг берувчи моддалар мавжуд.

   Тез тайёрланувчи макарон маҳсулотлари – таркибида сунъий лаззат кучайтиргичлар кўп.

   Носоғлом овқатланиш талабаларнинг энергия даражасини пасайтиради, диққатни жамлашга салбий таъсир қилади ва жисмоний соғлиғини ёмонлаштиради. Шунинг учун ҳам мутахассислар соғлом овқатланиш тартибига риоя қилишни тавсия этадилар.