Сўнгги янгиликлардан хабардор бўлинг
Бизнинг Телеграм-каналимизга обуна бўлинг
Марказий Осиёда етакчи ва таянч олийгоҳ ҳисобланмиш Тошкент тўқимачилик ва енгил саноат институти ўзининг 90 йиллик фаолияти давомида мамлакатимиз иқтисодиётининг муҳим тармоқлари – пахта тозалаш, тўқимачилик ва енгил саноат корхоналари учун нафақат юқори малакали, етук мутахассис кадрлар тайёрлаб бериш, балки мазкур корхоналарда ишлаб чиқаришни ташкил қилиш, режалаштириш ва уларни бошқариш, маҳсулот сифати ва меҳнат унумдорлигини ошириш, техник ва технологик асбоб-ускуналарни янгилаш, бу соҳалар бўйича ихтиро ҳамда кашфиётлар яратиб, ишлаб чиқаришга жорий этиш бўйича таклиф, фикр ва мулоҳазалар ҳам бериб келмоқда.
Институтнинг ташкил этилишига ўтган асрнинг 20 йилларида Республикамизда қуриб ишга туширилган Фарғона тўқимачилик комбинати, Фарғона, Бухоро, Самарқанд, Марғилон пиллакашлик фабрикалари, Марғилон шойи комбинати ва «Атлас» ишлаб чиқариш бирлашмаси, Тошкент, Бухоро, Самарқанд, Қўқон, Урганч, Андижон тикув фабрикалари, Тошкент кўн заводи, пойабзал фабрикаси, ишлаб турган кўплаб пахта тозалаш заводлари, қурилиши бошланган Тошкент тўқимачилик комбинати каби енгил саноат корхоналарини юқори малакали мутахассис кадрлар билан таъминлаш зарурати асос бўлган.
Бунга қадар мазкур корхоналар олий маълумотли мутахассислар би¬лан қисман Ўзбекистон Миллий университети (ТошДУ)нинг «Пахтани дастлабки ишлаш» кафедраси (1927-й.), 1929 йилда университетдан ажралиб чиққан Ўрта Осиё пахтачилик-ирригация политехника институтининг тўқимачилик факультетида, 1931 йилдан Ўрта Осиё механика-технология институти тўқимачилик факультети базасида, асосан эса собиқ марказдан юборилган кадрлар ҳисобига таъминланган.
Ўрта Осиё механика-технология институтида пахтани дастлабки ишлаш ва йигириш, тўқувчилик, ипак технологияси бўйича мутахассислар тайёрлаш йўлга қўйилган эди. Мана шу институт ва факультет ҳамда мутахассисликлар негизида алоҳида тўқимачилик институтини ташкил этиш зарурати пайдо бўлган.
Шундай қилиб, 1932 йил сентябрдан институт ўз фаолиятини бошлаган. Дастлабки йил институтда 2 та факультет: «Пахтани дастлабки ишлаш» ва «Механикавий технология» факультетлари ўз таркибида 4 та мутахассислик, пахтани дастлабки ишлаш, тўқувчилик, йигирув ва ипак технологияси мутахассисликлари билан фаолият юритган.
1935 йилда институтнинг 4 қаватли ўқув-лаборатория биноси (бугунги 2-ўқув биноси) ва талабалар учун 4 қаватли ётоқхона биноси фойдаланишга топширилган.
Ўтган йиллар давомида институт катта тарихий йўлни босиб ўтди. Йилдан-йилга ўқув-лаборатория базаси мустаҳкамланиб борди. Масалан, 1935 йилда институтда 6 та ишлаб чиқариш ва 5 та ўқув лабораториялари, 5 та ўқув кабинети, спорт зали, кутубхона бўлган бўлса, 1960 йилларга келиб мос равишда 8 та ишлаб чиқариш, 10 та ўқув-лабораториялари, 13 та ўқув кабинети фаолият кўрсатди. Ахборот-ресурс марказидаги китоблар фонди 500 тадан 631 мингга етди.
Шунингдек, 1962 йилга келиб, институт таркибида енгил саноат тармоқлари бўйича бир қатор янги ихтисослик ва мутахассисликлар очилиши муносабати билан институт номига «енгил саноат» сўзи ҳам қўшилди. Натижада, институт фақат «тўқимачилик» эмас, балки «тўқимачилик ва енгил саноат институти» номи билан атала бошлади. Бу даврда талабалар учун яна 3 та талабалар уйи, 1973 йилда 6 қаватли янги ўқув биноси (ҳозирги 1-ўқув биноси), кейинчалик «Пахтани дастлабки ишлаш» факультети ўқув биноси қуриб ишга туширилган.
1932-2012 йилларда институт саноат тармоқлари учун 50 мингга яқин юқори малакали мутахассислар тайёрлаб берган. Булар орасида Куба, Мўғулистон, Афғонистон, Германия, Перу, Ветнам, Лаос ва қатор Африка давлатларининг 800 га яқин талабалари ҳам бор эди.Б.А. Левкович, М.Т. О‘разбоев, А. Алимов, Н.Н. Назаров, К.М. Ман¬суров, М.Р. Раззоқов, Ғ.Ж. Жабборов, Х.Қ. Қурбонов, Й.Қ. Қирғизбоев, Г.И. Болдинский, Р.Ғ. Маҳкамов, М.М. Маърупов, С.Х. Хусниддинов, М.М. Муҳамедов, М.Ш. Тожиев ва бошқа профессорлар ўқитувчилар шу институтда фаолият юритган.
1991 йил 31 августда Ўзбекистон Республикаси давлат мустақиллигининг эълон қилиниши билан институт тарихида янги босқич бошланди. Мустақилликнинг ўтган 30 йили ичида институт жамоаси таълим-тарбия жараёнини замон талаблари даражасида қайта қуриш, уни янада такомиллаштириб, самарадорлигини ошириш, ўқув-лаборатория ва кабинетларини янги, энг замонавий компьютерлар, бошқа асбоб-ускуналар билан жиҳозлаш, таълим-тарбияда миллий қадриятлар ва халқ анъаналарига алоҳида эътибор бериш, талаба-ёшлар онгига мустақиллик ва миллий истиқлол ғоясини сингдириш каби масалаларда жиддий ютуқларга эришган.
Бугунги кунда институтнинг фаолияти қуйидаги рақамларда ўз аксини топган:
Ҳозирда институтда қуйидаги 4 та факультет, 26 та кафедралар фаолият кўрсатмоқда.
Тошкент тўқимачилик ва енгил саноат институти факультетлари:
Тошкент тўқимачилик ва енгил саноат институти кафедралари:
Тошкент тўқимачилик ва енгил саноат институти- тўқимачилик ва енгил саноат учун машинасозлик, трикотаж, тўқувчилик...., шунингдек, ипак саноати, кимё, полиграфия ва қоғоз саноати йўналишларида бўйича бакалавриат босқичида 12 та, магистратура босқичида 21 та мутахассисликлар бўйича бакалаврлар, магистрлар, докторантлар (ПҳД) ва фан докторлари тайёрламоқда.
Бундан ташқари ҳозирда институтда 700 тадан ортиқ замонавий компьютерлар институтнинг барча кафедра ва бўлимларида ҳам мавжуд бўлиб, институт жаҳон интернет тармоғига уланган. Бу ҳол масофадан туриб ўқитиш ва хорижий ахборотларни тезлик билан олишда қўл келмоқда.
Мустақиллик йилларида институтнинг халқаро алоқалари ҳам кенгайди. Бугун институт “Тўқимачилик Академияси”, “Матбаа ўқув юртлари Ассоциацияси”, “Ипак Ассоциацияси” каби нуфузли халқаро уюшмалар аъзоси. У хорижий мамлакатларнинг 20 дан ортиқ турдош ўқув юртлари билан мустаҳкам алоқалар ўрнатган. Буларнинг орасида Германиянинг Берг, Белгиянинг Гент, Россиянинг Москва тўқимачилик университети ва матбаа университетлари, Санкт-Петербург Тўқимачилик ва енгил саноат институти, Иваново Тўқимачилик академияси, Кострома тўқимачилик университети, Грециянинг Пирей технология институти ва бошқалар бор.
Тошкент тўқимачилик ва енгил саноат институти қуйидаги ижтимоий тармоқларда фаол фаолият олиб боради.
Мазкур институт юзасидан сизда савол ва таклифлар туғилган бўлса, қуйидаги манзилга ва рақамларга мурожаат қилишингиз мумкин:
Бизни кузатишда давом этинг Таълим телеканали таълимдаги энг сўнгги янгиликларни ҳар доим сиз билан бўлишишга тайёр!
Маъмура Тўраева тайёрлади
#Олийгоҳлар